Somaliland Patriots News

Dalalka Reer Galbeedka Oo Isha Ku Haya Doorashada JSL. - print


Date:Tuesday, August 01 @ 14:26:42 UTC


https://thumb9.shutterstock.com/display_pic_with_logo/4097188/640035952/stock-vector-set-of-national-flag-usa-canada-russia-uk-australia-eu-china-france-turkey-philippines-640035952.jpghttp://gabiley.net/wp-content/uploads/2015/03/Loogo-Sl-1.jpgWadamada Rreer Yurub iyo Maraykanka ayaa si dhow ula socda doorashada madaxtooyada JSL iyaga oo rajo weyn ka qaba in doorashadu ku qabsoonto wakhtigeeda.








https://thumb9.shutterstock.com/display_pic_with_logo/4097188/640035952/stock-vector-set-of-national-flag-usa-canada-russia-uk-australia-eu-china-france-turkey-philippines-640035952.jpgWadamadan oo kala ah Ingiriiska, Maraykanka Denmark, Ururka Midowga Yurub ( EU ) iyo dalal kale ayaa waxay muddooyinkan u dambeeyay wufuud heer safiir ah u soo direen Magaalada Hargeysa, iyaga oo dhammaantood siday farriimo nuxurkoodu yihiin in doorashadu wakhtigeeda ku qabsoonto, waxaanay aaminsan yihiin in doorashada oo wakhtiga loo qabtay ku qabsoontaa ay soo celin karto kalsoonidii ay beelsha caalamku ku qabtay nidaamka dimuqraadiyadeed ee JSL.

Safiiradan oo Madaxweyne Siilaanyo la sheegay in uu kulamo gooni-gooni ah la yeeshay ayaa waxa ay sidaas oo kale madaxweynaha u sheegeen in ay eegayaan qaabka ay doorashadaasi u dhacdo iyo weliba in ay noqoto mid xor iyo xalaal ah oo xisbiyadu u tartamaan si xor ah.

Safiirka Ingiriiska oo maalmo ka hor ka dhoofay Caasimada Hargeysa ayaa sheegay in uu madaxweynaha soo gaadhsiiyay farriin ah in doorashadu wakhtigeeda ku qabsoonto islamarkaana noqoto mid xor ah oo ay xisbiyaduna u tartamaan si xalaal ah.

Safiirka Dalka  Denmark u fadhiya Dalka Kenya Marwo. Mette Knudsen oo badhtamihii bilshan  safar ku timid magaalada Hargeysa, ayaa qoraal ay safaaraddu soo saartay waxa ay iyada oo doorashada ka hadlaysa ay ku tidhi, “Dhacdada doorashada JSL waxa ay marag run ah u noqon doontaa hor-u-marka dimuqraadiyadda JSL”.

Danjiraha Ingiriiska ee JSL iyo Somaliya Md. David Concar oo isna toddobaadkan dhammaaday socdaal ku yimid Hargeysa, ayaa sheegay inuu madaxweynaha JSL gaadhsiiyay farriintan iyada ah, “Waxaan u sheegay madaxweynaha haddii Somaliland ku guulaysato doorashooyinkaas in ay taasi noqonayso fursad aad u muhiim ah oo soo jiidan karta indhaha beelsha caalamka iyo aqoonsiga JSL, islamarkaana dardar gelin karta in caalamku bixiyo dhaqaale dheeraad ah oo lagu maalgelinayo dhismaha Somaliland.” Ayuu yidhi safiirku.

Si kastaba ha ahaate, waxa muuqata in dalalka Reer Galbeedku indhaha si gaar ah ugu hayaan doorashadan madaxtooyada JSL, iyaga oo aaminsan in doorashada oo jawi wanaagsan ku qabsoontaa ay Somaliland u furi doonto albaabo aan hadda furnayn iyo weliba in dib loo soo celin karo wada -hadalada istaagay ee JSL iyo Somaliy.

SL Media

This article comes from Somaliland Patriots News | Somaliland News
http://www.somalilandpatriots.com

The URL for this story is:
http://www.somalilandpatriots.com/news-15738-0