Somaliland Patriots News

Shoodhe Af-Weyne: Maba dhallane dhowrteysan ogaa - print


Date:Saturday, February 25 @ 11:07:07 UTC


Image result for liarsCadowga JSL ayaa London ka abaabulaya mudaharaad. Ma ilmo yaxaastiibaa la qubayaa? Xeryaha AMISOM ee dad iyo duunyo waxa lagu qasho aan la garaneyn maxaa loogu mudahaaraadi waayey? Turkiga ku amarku taagleeya dekada iyo madaarka Muqdisho isagu ma muquunaa loo siiyey?


 








Image result for liarsMaalmo yar ka dib kolkii ay dhamaatay riwaayadii shimbirayahow heesa ee lagu cuimaamaday Shoode Af-Weyne, Maxamed Cabdilahi Farmaajo, ayaa durba miciyihiisii u dahsoonaa uu galka ka saaray. Jadwalka hawl maalmeedkiisa kuwa  ugu horeeya  waxa ka mid ah  kuwa liddi ku ah Jamhuuriyadda Somaliland,   

Waxa ay isaga iyo xertiisu abaabulayaan in ay mudaharaad ka sameeyaan Safaarada ay UAE ku leedaay dalka Britain. Taasu waxa ay muujinaysaa in Reer Somalia oo aan waxba isu ogoleynin ay ka midaysan yihiin dibindaabyada iyo hagardaameynta Jumhuuriyadda Somaliland. Waxa ay ka mideysan yihiin xaasidida hor-u-mar kasta oo u soo kordha JSL.     

Ma Saldhig necey baa mise ilmo yaxaastii baa la daadinaa? 

Haddii ay saldhig neceyb ka tahay Shoodhe Af-Weyne iyo xertiisu maxay u arki waayeen  ciidamada shisheeye ee haysta Somalia oo la arkay dhib iyo dheef  midka ay u leeyihiin Somalia? Xeryaha milatariga ee AMISOM waxa ka caagan in Somalidu gasho ama ogaato waxa lagu dhex qasho ee lagu cuno, dad iyo duunyo waxa ay yihiin. Taa waxa dheer cidi isma weydiiso waxa ay dilaan, waxa ay dhacaan dumarka ay kufsadaan iyo dambi kasta oo ay falaan. Maxkamad Somaliyeed oo ku dhiirran karta in wax ka ogaataa ma jirto. Turkiga oo Dekada Muqdisho iyo Madaarka ka arrimiyaa isaga waxa ay u arkaan muwaadin lama taabtaan ah oo wuxu doono iyo siduu doona yeela, Maxaa loogu mudaharaadi waayey, mise muquunuu u helay? Dhibaatadan aan muuqan ee ay ku andacoonayaan in ay diidan yihiin tan haysata ee muuqata maxay uga dhiidhiiyi la' yihiin? 

Iyada oo waxaas oo foolxumo ahii dul hogoneyso Reer Somalia, oo aanay ka hadal  maxaa ka khuseeya waxa ka dhacaya Jamhuuriyadda Somaliland?  Lexjeclada iyo damqashada beenta ah ee ay ku andacoonayaan miyey tooda sidaa ka yeelaan oo la arko iyaga oo ku mudaharaadaya safaaradaha Ethiopia, Kenya, Djibouti, Uganda ... etc,   

Waxaas oo dhacaya Reer Somaliland kama hadlaan mana faro galiyaan Somalia iyo amuuraheeda, sobobta oo ah waa shu’uuno u gaar ah wadan kale oo waa xasarad iyo gef wixii u geeyaa.    

Mudaharaadkan iyo falal kale oo ku lidi ah hor-u-marka Somaliland,  ku soo boodo ma aha oo waa caadadood oo waa arrimo laga fili karo cadowga Somalland, laakiin waxa ceeb ah oo ayaan darro ah  in la duufsado kuwa Reer Somaliland ah oo iska garran waaya shirqoolada ay maleegayaan Shoodhe Af-Weyne iyo habardugaagiisu.       

Allaa Mahad Leh 

Sxb-da Safka-hore.

This article comes from Somaliland Patriots News | Somaliland News
http://www.somalilandpatriots.com

The URL for this story is:
http://www.somalilandpatriots.com/news-15646-0