  Waxaa sii xoogeysanaya dagaalo naxdin leh oo maalintii 2aad galay oo degmooyinka Shibis iyo C/casiis woqooyiga magaalada Muqdisho ku dhex maraya ciidamada dowlada Somalia iyo xooggaga Xarakada Al-Shabaab iyadoo dagaaaladii maantana ay geysteen qasaare ballaadhan oo soo gaadhay shacabka ay halkaas dhigatay. Sawirada.
Wararka ka imaanaya caasimadda Somaliya ee Muqdisho ayaa sheegaya in dagaal xooggan oo ay hareed socdeen madaafiic aan la isu aaba yeelin uu ka dhacay waqooyiga Magalaada Muqdisho, kaas oo inta la ogyahay ay ku dhinteen in ka badan 100 ruux oo u badan dad rayid ah.
 Dagaalka oo u dhexeeyey ciidamada DF-da Somaliya oo gacan ka helayey ciidamada Amisom iyo kooxaha ka soo horjeeda dowladda ayaa ka bilaawday sida la sheegay kadib markii maleeshiyo ka tirsan DF-da KMG ah iyo kuwa Amisom Ay weerar xooggan ku qaadeen fadhiisimaha kooxaha ka soo horjeeda DF-da ku sugan degmada C/casiis ee magaalada Muqdisho.
Maleeshiyaadka dowladda KMG ah ee Somaliya ayaa lagu waramayaa in ey isku dayeen in ay markale dib ula wareegaan fadhiisimo gacanta ugu jiray Kooxda Al-Shabaab. Waxaana adag in la helo xogta rasmiga ah ee dagaalka oo ay qolo waliba guul sheegaynayso.
Ilo wareed lagu kalsoonaan karo ayaa sheegaya in maleeshiyo ka tirsan kuwa Amisom oo daadhinayey gawaadhida dagaalka ee taangiyada lagu arkayey iyaga oo Maleeshiyaadka dowladda ku gacan siinayay dagaalkaasi.
Waxaana la sheegay madaafiic ku soo dhacday goobo ka baxsan halka dagaalku ka dhacayey oo dad rayid ah u geestay dhimasho, halka tiro kalena dhaawcyo qaarkood uu daran yahay ka soo gaareen.
Ilaa iyo iminka ma jirto wax war ah oo ka soo baxay daagaalka ka dhacay waqooyiga muqdisho ee dhex maray ciidamadda DF-da Somalia iyo kooxaha islaamiyiinta ee kas oo horjeeda dowladda KMG ah.
Media
|
![](\"images/img/somalilandpatriots.com-051520091242424561.jpg\")
Print dagaalo culculus oo ka dhacay muqdisho/somalia.