  Shan iyo Tobankii Dhakhtar ee ugu horeeyay Somaliland ayaa ka qalin jabiyay kuliyada Caafimaadka ee jaamacada Hargeysa. 15 Dhakhtar ee cusub ee qalin jabiyay waxay isugu jiraan 12 Wiil iyo 3 Gabdhood. Wasaarada Caafimaadka oo 15ka Dhakhtarba Shaqo galisay
Waxay kuliyadaasi ku jireen Todoba Sanadood, waxaanay kuliyadaasi ku qaateen Culuum kala duwan oo la xidhiidha Caafimaadka, sidoo kale waxay tababaro ku qaateen, Cisbitaalka Guud ee Hargaysa iyo Adena Maternity Hospital .
Dhakhaatiirtan waxa kaalmo ka duwan siiyay mudada ay Waxbarashada Caafimaadka ku jireen Dhakhaatiir ajaanib ah iyo kuwo reer Soomaliland ah.
Kuwaas oo ka kala socday Cisbitaal ku yaala dalka Ingiriiska oo la yidhaahdo ( Kings College Hospital ) iyo Ururka Dhakhaatiirta Somaliland ( SMA ).
Munaasibadan oo logu wanqalayay Dhamaystirka Dhakhaatirtaasi ay dhamaysteen Duruustii Dhakhaatiirnimo ayaa lagu qabtay Hotelka Maansoor ee Magaalada Hargeysa waxaana ka soo qayb galay Wasiirka Caafimaadka Cabdi Haybe, Dhakhaatiirta Somaliland Saraakiil ka kala socotay Hay’adaha la shaqeeya Caafimaadka iyo Marti Sharaf badan.
Gudoomiyaha Jaamacada Hargeysa Dr Xuseen C/laahi Bulxan iyo ku xigeenkiisa Mubaarik ayaa ugu horayn ka waramay Maraxilkii kala duwanaa ee ay dhakhaatiirta qalin jabisay soo mareen, waxaanay Xuseen jamacaad ahaan inay si weyn ugu faraxsan yihiin midhaha ay bulshada u soo saareen iyaga oo shacabka ka codsaday inay dhalinyaradooda ku soo dhiiriyaan inay waxbarashada ku dhiiriyaan si Bulshadu u noqoto ummad horumar gaadha.
Hormoodka Kuliyada Caafimaadka ee Jaamacada Hargeysa Diiriye Ismaaciil Ereg ayaa isna farxad wayn ku qaabilay Munaasibada loo sameeyay Ardaydiisii waxaanu illahay uga mahad naqay Guusha uu gaadhsiiyay isaga oo si weyn uga sheekeeyay Duruufahii Qalafsanaa ee uu ku bilaabay iyo natiijada 15 ka dhakhtar ee uu ka soo saaray 100 Arday oo uu u bilaabay oouu sheegay dhexda inay siyaabo kala duwan uga hadheen kuwii kale.
Adna Aden Ismaaciil, Gudoomiyaha Ururka Dhakhaatirta Somaliland Axmed Gaas, Dr Yaasiin Caran, Aasiya Cismaan, Dr John Mcdermot ayaa iyana si weyn uga waramay Marxaladahii kala danebeeyay ee ay Jaamacadu soo martay waxaanay u mahad naqeen Dhakhaatiirta cusub ee soo baxday iyo cidii gacan ka gaysatay iyagoo si weyn uga hadlay Faa’iidada waxbarashada iyo khasaaraha uu tahriiku leeyahay.
Wasiirka Caafimaadka iyo Shaqada Cabdi Haybe oo soo Xidhay Xaflad loo sameeyay Dhakhaatiirtaasi ayaa sheegay 15 ka Dhakhtarba Wasaaradiisu inay Shaqaalaysay, isla markaana Tababaro u diri doonto si ay u korodhsadaan Aqoontooda.
Mid ka mid ah Dhakhaatiirta Qalin jabisay ayaa isna mahad naq balaadhan uga soo jeediyay Munaasibadaasi Dadkii ka qayb qaatay inay gaadhaan Guushan.
Dhakhaatiirta Qalin jabisay Magacayadoodu waxay kala yihiin:
1. Maxamed Yuusuf Aw Cali
2. Mukhtaar Jibriil Kaahin
3. Axmed Siciid Cali
4. A/raxmaan A/laahi Ducaale
5. Ciise Cabdi Jaamac
6. A/karin Mohamed Gaas
7. Mohamed Hassan Nuur
8. Adan Haybe Faarax
9. Siciid Maxamed Aw Cali
10. Bashiir Diiriye Jaamac
11. Suhair Hassan Axmed
12.Khadar Ahmed Omer
13.Jinow Maxamed Qaalib
14. Maxamed Muuse Hassan.
15. Fadxiya Sh. Muxumed Warsame.
|
![](\"images/img/somalilandpatriots.com-051520091242424561.jpg\")
Print dhakhaatir ka qalin jebisay kulliyadaha caafimaadka jsl. 
©2006-2008 Somalilandpatriots.com .All Rights Reserved