war-saxaafadeed ka soo baxay xarunta madaxtooyada jsl.
war-saxaafadeed ka soo baxay xarunta madaxtooyada jsl.
Fadhigii Golaha Wasiirada ee Maanta lagu qabtay Xarunta Madaxtooyada JSL, waxa la isku raacay xeer ku saabsan qaabka ay u dhaqmayaan ururada aan dawliga ahayn ee Jumhuuriyadda Somaliland ka hawl gala.
Fadhigaasi oo uu gudoominayay Madaxweyne ku xigeenka Jamhuuriyadda Somaliland Mudane Axmed Yuusuf Yaasiin, waxa si qoto dheer ugu dooday una qaadaa dhigay xeerka loo dajiyay ururada aan dawliga ahayn (Kuwa Wadaniga ah iyo Kuwa Caalamiga ahba).
Xeerkaasi oo ay isku soo duba riday Wasaarada Qorshaynta ee Somaliland waxa uu ka kooban yahay 8 qaybood iyo 37 qodob oo si cad u qeexaya maamulka iyo isu duwida hawlaha ay qabtaan ururada aan dawliga ahayn ee ka hawl gala Somaliland, haddii ay noqoto arrimaha la xidhiidha diiwaan gelintooda iyo waajibaadka la xidhiidha haddii ay noqon lahayd xisaabtankooda iyo hir gelinta hawlaha horumarka Bulshada ee ay ka qabtaan dalka.
Golaha Wasiiradu waxa uu si wada jir ah u ansixiyay iskuna raacay xeerkaasi ku saabsan hay’adaha aan dawliga ahayn , isaga oo loo gudbin doono Golayaasha sharci dejinta si iyana u ansixiyaan.
Print war-saxaafadeed ka soo baxay xarunta madaxtooyada jsl.