badhasaab-ku-xigeenka g/togdheer iyo isuduwaha ciyaaraha oo koobab gudoonsiiyay
|
badhasaab-ku-xigeenka g/togdheer iyo isuduwaha ciyaaraha oo koobab gudoonsiiyay |
 |
|
  Burco - Badhasaab ku xigeenka Togdheer Guuleed Daahir Samatar iyo Isuduwaha Wasaarada ciyaaraha Gobolka Cabdi Muraad ayaa maanta laba koob gudoonsiiyay labadii kooxood ee ku kala guulaystay labadii tartan ee ciyaareed ee bishii rabaadan lagu qabtay magaalada Burco.
Munaasibad balaadhan oo loogu tala galay gudoonsiinta labada koob ayaa lagu qabtay
Hoolka xarunta maamulka gobolka togdheer ayaa waxaa ka soo qaybgalay Masuuliyiinta Gobolka,W/ciyaaraha,Ciyaartoyga labad kooxood,Xubno ka socday Ururka dhaliyarada qurbajooga Togdheer ee Taf iyo martisharaf badan oo kale.
Badhasaab ku xigeenka Togdheer,Guuleed Daahir Samatar oo goobta ka hadlay ayaa
sheegay gobolka togdheer caan ku yahay Ciyaaraha kubada cagta,guulo badana ka soo hoysay,waxa uu intaa ku daray in ay soo fool leeyihiin tartankii ciyaaraha gobolada
dalku,sidaas darteed loo baahan yahay in la sameeyo Diyaar garow badan si aynu ugu
soo guulaysano koobka sanadkan.
Waxa kaloo Guuleed xusay in aynu maanta dhamaanteen haday tahay
Ciyaartoygii, Maamulkii Gobolka,Iyo W/ciyaarha ee gobolka isku duubanahay oo
yoolkaliya u wada socono, waxaanu carabka ku dhuftay inaanay jirin wax khilaaf ahi.
“Waxaan Ciyaartoyga Togdheer u soo jeedinayaa in marka la soo dhejiyo Liiska
ciyaartoyga u safandoona Gobolka sanadkan,in lagu wada qanco oo ciyaartogii iska
waayaa uu qanco, Aanaguna waxaanu soo xulidoonaa Ciyaartoygii inta ugu wanaagsan ee aan odhankarno koobka waysoo qaadi karaan”Ayuu ku soo koobay.
Isuduwaha Wasaarada Ciyaaraha Togdheer,Cabdi Muraad ayaa isaguna sheegay in hawl wayni sugayso dhamaanteenba Ciyaartoy iyo maamul ahaanba,taasoo ah sidii aynu diyaargarow iyo tababaro u samayn lahayn.Waxa uu intaas ku daray in ay dhamaatay khilaafkii mar nasoo kala dhexgalay Ururka Togga oo uu gudoomiye u yahay Siciid X.quluube,oo aanu maanta gacmaha ishaysano,islamaarka Ururka Toggu balan qaaday inay kala shaqayndoonaan oo kaalin weyn ka qaadandoonaan Abaabulka iyo u Diyaargarowga tartanka ciyaaraha gobolada.
Sidoo kale Waxa Isuduwuhu Raali galin weyn siiyay Badhasaab ku xigeenka Gobolka
,Guuleed Daahir Samatar oo uu sheegay in uu yahay xubnaha markasta si hagar la,aana uga shaqeeya Horumarinta Ciyaaraha gobolka oo muranyari nasoo kala dhexgalay balse hada dhamaatay. Mr. Cabdi Muraad waxa uu tilmaamay labadan kooxood ee ku guulaystay labada koob ay yihiin kuwii ku guulaystay labadii tartan ee ka socday bisha rabadaan Garoomada ciyaaraha Allamsey iyo Saylada,kuwaasoo ay soo kala qabanqaabiyeey Ururada TOGGA iyo SOYVO, islamrkaana kooxaha tartamayay ay ahaayee kuwa heerka labaad. Waxaanu u mahadceliyay Labadaas.
Waxa kale oo Cabdi Muraad u mahadceliyay Ciyaartoyga qurbajooga Togdheer,sida
wanaagsan ee ay markasta uga qaybqaataan horumarka Ciyaaraha gobolka waxaanu yidhi “Waxaan si weyn ugu mahadcelinayaa Xubnihii Ciyaatoga Reer Togdheer ee qurbaha ku nool sida wanaagsan ee ay gacan nooga siiyaan horumarinta Ciyaaraha, waxa kale oo aan u cadaynayaa inaanay jirin wax khilaaf ah oo u dhexeeya Maamulka Ciyaaraha iyo Ururka Togga,oo aanu hada gacmaha is haysano si wada jirana uga wadshaqaynayno Horumarka Ciyaaraha Gobolka”.
Kayse Yuusuf (Balaaya cas) oo ka mid ah masuuliyiinta W/ciyaaraha Gobolka ayaa
isaguna tilmaamay in Dacaayad iyo Barabogaando ahayd hadaladii sheegayay in Xuseen Bisad keenay Burco Dirays iyo qalabkii Ciyaaraha oo kooxo ciyaartoy gaara la
siiayay. “Maanta Ciyaartoyga Burco iyo maamulkiisu way isku duuban yihiin oo mid
kaliya”Ayuu yidhi.
Waxa kale oo munaasinbadaa ka hadlay Aadan Caydiid oo ka socday Ururka TAF,ee
dhalinyarada qurbajooga,isagoo gudoonsiiyay qalabkii ciyaaraha ee ay keeneen Xulka
ciyaartoyga u safandoona Gobolka Tartanka gobolada sanadkan,Isuduwaha wasaarada
Ciyaaraha Togdheer.
Munaasibadan ayaa ahayd mid loo soo agaasimaya si wanaagsan,taasoo lagu muujiyay iskuduubnaanta ciyaartoyga gobolka togdheer,iyo sidii loogu sii diyaargaroobi lahaa Tartanka ciyaarha gobolada ee soo fool leh.
Kayse Axmed Digaale
Kdigale@yahoo.com
Burco/Somaliland
|
|
|
Posted on Sunday, October 05 @ 17:24:15 DAVT by admin |
|
|
|
Print badhasaab-ku-xigeenka g/togdheer iyo isuduwaha ciyaaraha oo koobab gudoonsiiyay