faallo mal leh... no comment... keine kommentar... no coment... biduun tacliiq.
|
faallo mal leh... no comment... keine kommentar... no coment... biduun tacliiq. |
 |
|
 Faallo mal leh... No Comment... Keine Kommentar... No Coment... Biduun tacliiq... Pas de Commentaire ...Usulize Kitu.... By: Mustafe Ali Wadad
Hambalyadii Salaanta Ciidda Madaxweynaha J.D'Jibuuti U Diray JSL Oo Maqal, Muuqaal Iyo Marag Ma Doon ah.
  Halkan kala soco, Hanbalyadii Salaanta Ciida Madaxweynaha Jumhuuriyadda DJibuuti uu u diray Ummadda iyo Qaranka JSL oo marag iyo markhaati leh ( muqaal, maqal iyo maktuub ): http://uk.youtube.com/watch?v=2Y9wXbMJvoI
Madaxweynaha Jamhuuriyadda Jabuuti, Ismaaciil Cumar Geelle ayaa markii u horreysey ku hambalyeeyey Somaliland nabadda iyo dowladnimada ay haysato muddada 17ka sannadood ah ee Soomaaliyadii ay ka midka ahayd burburka iyo colaadaha ay ku sii hoobanayso.
Madaxweyne Geelle waxa uu ku soo qaaday Somaliland khudbad uu u jeediyey dadkiisa munaasibadda Ciiddul Fidriga maanta, taas oo uu kaga hadlay arrimaha Soomaaliya iyo wadahadalada dalkiisa ka socda ee lagu dhexdhexaadinayo Isbahaysiga la baxay Dib u xorraynta Soomaaliya iyo Dowladda Cabdillaahi Yuusuf madaxda ka yahay ee Baydhabo, waxana uu tusaale u soo qaatay nabadda iyo xasiloonida ka jirta Somaliland iyo sida ay ku gaadhey, isaga oo tirtirsiyaya ama guubaabinaya kooxaha ku dagaalamaya Soomaaliya.
“Raggaa agtooda ah ee Somaliland hambalyo, hambalyo iyo bogaadin bay muteen. 17kaa sannadood marka ay ka badbaadiyeen halaagga dadkooda. Laba shir oo keliya hadday intay qabsadeen ay dhammaysteen nabad iyo degganaansho ay ku noolaysiiyeen dadkoodii ixtiraam bay mudan yihiin,” ayuu yidhi Madaxweyne Geelle.
Waxana uu sheegay in loo baahan yahay inay ku daydaan kuwa Soomaaliya oo ay is
weydiiyaan sida ay ugu suuragashay inay midoobaan muxaafid iyo mucaarid, Guurti iyo
odayaal, isla markaana khilaafkasta oo yimaadda wadahadal ay ku hammaysanayaan
iyadoo aan hub la isu qaadan.
Ismaaciil Cumar Geelle oo lagu tilmaamo hoggaamiye si weyn u daneeya in mar kale dib loo mideeyo Soomaaliya oo Somaliland ku jirto, isla markaana ololaha uu ugu jiro
gaadhitaanka ujeeddadaasi ay sababtay dhawr goor xurguf siyaasadeed oo dhexmartay Somaliland iyo Jabuuti, waa markii u horreysey ee laga maqlo ammaanta Somaliland.
 http://uk.youtube.com/watch?v=2Y9wXbMJvoI
http://uk.youtube.com/watch?v=2Y9wXbMJvoI
Posted by:
Mustafe Ali Wadad
Freelance Journalist
Mustafe15@hotmail.com
|
|
|
Posted on Sunday, October 05 @ 17:07:08 DAVT by admin |
|
|
|
Print faallo mal leh... no comment... keine kommentar... no coment... biduun tacliiq.