Magaalada Burco ayaa waxa ku soo badanaya wershadaha gaarka loo leeyahay oo ay ka mid yihiin kuwa biyaha ee aan soo sheegnay, kuwa saabuunta, kuwa hilibka iyo qaar kale oo badan. Waxyaabaha kale ee Burco laga hirgeliyey waxaa ka mid ah Beerta geela lagu dhaqo ee loo yaqaan Maandeeq Camel Farm. Horumarkaas ballaadhan ee Burco iyo meelaha kaleba ka socda ayaa ah mid aad loogu diirsado. Dhanka kalena magaalada Hargaysa waxa aad loogu cunaa kaluunka ka yimaada xeebta magaalda Berbera, taasi oo dhamaan Hudheelada Magaalada badankooda lagu sameeyo kaluunada noocyadooda kala gadisan, iyo sidoo kale lagu samysto xaafadaha magaalada kaluunka oo ahaa shay aan aad loogu isticmaali jirin Somaliland ayaa xiligani aad iyo aad loogu cunaa magaalooyinka dalka siiba caasimada oo ay aad u sii korddhayso isticmaalka kaluunka, iyada oo magaalda Hargaysa ay leedahay ama ay dadweynahu helaan koronto la isticmaalo habeen iyo maalinba taasi oo saamaxday in qabojiyayaasha lagu hayn karo kaluunka laga soo jilaabo xeebta magaalda Berbera, taasi oo la odhan karo dadka Somaliland waxa ay hada aad u fahmeen isticmaalka khayraadka dalka ee ku jira badda.
Magaalada Allaybaday ayaa ah meel ka qayb qaadata khudaarta lagu isticmaalo magaalda Hargaysa iyada oo subax kasta ama maalinkastaba laga soo gooyo khudaar kala gadisan gobolka Gabiilay, taasi oo ah shay aad loogu diirsado oo dhiiri galinaysa in ay dadkeenu wax beertaan.
Gobolka Oodweyne ayaa soo geliya caanaha ugu badan ee geela magaalada Hargeisa. magaalda Hargaysa ayaa waxa aad loogu dhamaa caanaha geela oo aad u tiro badan, gobolka Oodweyne waxa uu yahay goobaha ugu balaadhan ee laga keeno caanaha geela ee hadh iyo habayn lagu dhamo magaalada Hargaysa iyada oo subax kasta ay ka soo galaan baabuur sida caano geel oo ciidaas ka badan waxana la odhan karaa hadii sidaasi looga sii faa'iidaysto wax soosaarka dalkeena in aynu gaadhi doono meesha aynu hiigsanyno.
Sidiisaba gobolka Hargaysa ayaa ah mid qani ku ah xoolaha nool iyo beerahaba hase ahaatee waxa ka tiro batay dadka oo buux dhaafiyay magaalada magaalada Hargaysa ayaa lagu wadaa in ay noqoto magaalo ganacsi oo ay isugu yimaadaan dadyowga ku nool geeska Africa, magaalada ayaa nabdoon sidoo kale ciidamada Booliska oo baabuurta yar yar ee madax furan wata ayaa hadh iyo habeenba gaaf wareega goob kasta oo magaalada ka mid ah iyada oo ay dadweynaha iyo ciidanka boolisku yihiin shicib iyo ciidan boolis oo aad isugu dheer isla markaasna iskaashada, dadku wax ay tixgaliyaan sharciga iyo kala danbaynta, taasina waxa ay magaalada ka sii dhigtay mid aad u amaan badan oo lagu soo hirto.
La soco warbixinooyinkayga danbe ee Somaliland iyo maanta.
Mohamed Jama
Qarannews
Hargaysa/Somaliland
Print magaalooyinka burco, berbera, alleybaday iyo ooweyne oo baahi tiray hargaysa.