madaxweyne siilaanyo oo horkacayay banaanbaxii ictiraaf-doonka jsl

Banaanbixii ugu ballaadhnaa ee intii ay jirtay JSL ka dhaca Dalka Dibadiisa ayaa laga dhigay Magaalad London, gaar ahaan Xafiiska Rai'iisal-Wasaaraha Dalka Ingiriiska hortiisa. Banaanbaxan oo ay ka qayb galeen dad aad u tiro badan oo taageerayay Qaranimadeeda JSL ayaa Dawladda Ingiriiskana ka codsanayey in ay aqoonsadaan JSL waxaana ka dhex muuqday Mas'uuliyiinta uu hor kacayey Madaxweynaha JSL Md. Axmed Maxamed Maxamuud (Siillanyo).

Waxa kale oo ka qayb galay Banaanbaxan Jaaliyadaha JSL ee ku dhaqan Dalka dibadiisu oo iskaga kala yimid wadamo kala duwan oo Yurub ee meelo kaleba leh. Kuwaas oo halkaas ku muujiyay qadiyadooda iyo sida ay Beesha Caalamku uga aamustay aqoonsi buuxda ee JSL. Halkaas oo loo gudbiyay beelsha caalamka fariin adag oo ku saabsan xaqa ay JSL u leedahay in la siiyo maadaama oo ay buuxaan shuruudihii dawladnimo ee looga baahnaa. Banaanbaxan ayaa waxa si weyn uga dhex muuqday Madaxweynaha JSL Md. Axmed Maxamed Maxamuud (Siillanyo) oo dhex lugaynayey dadweynihii madashaasi iskugu soo baxay isaga oo ku faraxsan sida ay dadkiisu ugu heellan yihiin rabitaanka qaranimadooda xaqa ah.

http://www.youtube.com/watch?v=tyryuLOK6Ak
Media