mr mike boo oo ka waramay sababta jsl loogu martiqaday shirka london.
|
mr mike boo oo ka waramay sababta jsl loogu martiqaday shirka london. |
 |
|
  U Qaybsanaha Dawladda Ingiriiska waddamada Jumhuuriyadda Somaliland iyo Somaaliya ayaa sheegay in sababta JSL loogu casuumeen shirka London ay tahay inay Somaalida kale wax ka barato xikmadaha ay ku maareeyeen hawlaha dalkooda.
 
U Qaybsanaha Dawladda Ingiriiska waddamada JSL iyo Somaaliya Mr. Mike Boo ayaa sheegay in sababta shirka London loogu soo casumay JSL ay tahay inay Somalida kale wax ka barato JSL, sidaana wuxuu ku sheegay mar uu xalay u waramayay Ilaacadda BBC-da. Mr. Mike Boo oo ka hadlayay doorkay ay JSL shirkan ku leedahay wuxuu yidhi, "Waxaanu ku soo casuunay Xukuumadda JSL, waayo JSL wax badan ayay ka baran karaan Somalida kale. Sidaas oo kale JSL wax weyn ayay ka tari kartaa xalka Somaliya".
Mr. Mike Boo wuxuu sheegay in sababta ay dawladda Ingiriisku ugu soo jeesatay wax ka qabashada dhibaatada Somalia muddo 20 sanno ah kadib ay tahay, sawiradii naxdinta lahaa ee xanbaarsanaa macaluusha Somaaliya. Markii ay ka gudbayeen xuduudka Somaliya la leedahay Kenya iyo dagaalada sii dabada dheraaday ee hadheeyay Somaaliya.
Haddaba hadalkan uu ka dhawaajiyay Mr Boo doorka JSL ee shirka ayaa noqonaaya kii ugu horeyay ee dawladda Ingiriisku kaga hadalsho doorka ay JSL ku yeelan karto shirka 23/2/2012 ka dhacaaya magaalada London.
In kasta oo aanu ajandaha shirka ku jirin hadalkan ka soo yeedhay u qaybsanaha dawladda Ingiriiska waddamada JSL iyo Somaaliya Mr. Mike Boo, ayaa hadana la odhan karaa waa hadal muhiimadiisa leh madaama oo uu yahay ninka dawladda Ingiriiska u qaabilsan abaabulka shirkaas.
Sidaas oo kale hadalkan uu hadda ka dhawaajiyay ayaa ah mid ka soo horjeeda sheegashadii Ra'isal Wasaaraha Somaliya Abdi Wali Gaas uu dhawaan ku duray JSL isaga oo la meeqaam dhigay kooxaha ay isku hayaan Somaaliya, balse hadalka Safiirka ayaa u muuqda mid su'aalo badan dhalin doona.
Dhinca kale JSL waxaa weli ka socda la-tashiyo uu wado Madaxweyne Siilaanyo. Ku waas oo u la leeyahay qaybaha kala gedisan ee bulshada iyo Axsaabta siyaasadda, lamana oga waxaa ka soo bixi doona, balse shirkan oo ay isku arkayaan dawladaha adduunka ugu waaweyn waxaa muhiim ah in Ra'isal Wasaaraha Ingiriiaska iyo dawladiisu diirka ka qaado hadalkan uu Safiirkoodu ka dhawaajiyay, isla markaana ay JSL sidaas ugu cadeeyaan.
SL Media
|
|
|
Posted on Saturday, January 28 @ 07:13:37 DAVT by admin |
|
|
|
![](\"images/img/somalilandpatriots.com-051520091242424561.jpg\")
Print mr mike boo oo ka waramay sababta jsl loogu martiqaday shirka london. 
©2006-2008 Somalilandpatriots.com .All Rights Reserved