waraysi lala yeeshay wasiirka arr. dibadda jsl oo ku sugan shirka au-da

Name : Jaamac cabdillaahi suleymaan Subject : Re : waraysi lala yeeshay wasiirka arr. dibadda jsl oo ku sugan shirka au-da Date : 2012-01-28

MAXAA KA KHALDAN XIDHIIDHKA SOMALILAND IYO ITOOBIYA Mudo dheer xidhiidhka ka dhaxeeya Somaliland iyo dawlada itoobiya wuxuu ahaa mid ku dhisan saaxiibtimo dhab ah xidhiidhkaas oo dhinac waliba dani ku jirtay inuu ixtiraamo isla markaana dhaqan geliyo maslaxada kan kale waxaana la odhan karaa heshiiskaas wuxuu ahaa mid lagu najaxay oo sidii la rabay u shaqeeyey taasoo keentay in labada dhinac midhihisii mudo dheer manafacaadsadaan Inkastoo mar walba marlaxada iyo duruufaha lagu jiray kala duwanayeen hadana xidhiidhkaas labada dal wuxuu ahaa mid u shaqeynayey si isu miisaan (Mutual Respect) oo dhinac waliba ilaalinayey danta iyo maslaxada kan kale waxaana lagu wada shaqeynayey xigmada tidhaahda (saaxiibkaa cadawgiisu waa cadawgaa) waxaa xidhiidhkaas dhaw ee labada dawladeed suurageliyey inay si wada jira uga guulaystaan cadawyo badan oo labada dhinacba lahayeen iyo iyana inay samaystaan xidhiidh ganacsi oo dhaw kaasoo suurageliyey in dekeda weyn ee berbera noqoto marinada ugu muhiimsan ee ay adeegsato itoobiya isla markaana kala soo degto waxyaalaha debeda ugu yimaada sida caawimooyinka iyo badeecooyinka kale ee ganacsiga ah iyadoo badeecooyinka dekeda berbera uga soo degto qaab transit ah oon wax cashuur ah laga qaadin. Hadaba iyadoo itoobiya mudo dheer lahayd cadowyo kala duwan oo masaaliixdeeda iyo wadajirkeeda rabay inay burburiyaan ayaa Somaliland mar walba waxay u ahayd difaac iyo gidaar kaga gudban cadawyadaas waxaana carada Somaliland laga dhaariyey inay cag soo dhigaan cid kasta oo mucaarid ku ah xukuumada itoobiya taasoo keentay in itoobiya oo dhawr furimood ku furnaayeen inay dhinaca Somaliland isku haleyso oo hurdo dheer seexato, waxaase imika muuqata in aan xidhiidhkaasi sidii la rabay u shaqeyn marka loo eego dhinaca itoobiya waayo waxaa soo if baxaya muuqaalo mugdiya kuwaasoo muujinaya in madmadaw soo kala dhex galay xidhiidhkii dhawaa ee labada dawladood iyadoo ay soo ifbaxday dhawrkii bilood ee u danbeeyey jalaafooyin iyo hagardaamooyin loo dhigayey xidhiidhkaas oo jireenka ah kuwaasoo ka imanayey dhinac qudha. Talaabooyinka ugu danbeeyey oo keenay in wax badan layska weydiiyo halka uu u socdo xidhiidhkii dhawaa ee labada dawladood ka dhaxeeyey waxaa ka mida sida aan tudhaalaha lahayn ee ciidamada new police ee itoobiya ula dhaqmayaan shacabka reer Somaliland iyadoo dhawrkii bilood ee ugu danbeeyey ay dhacday in ciidankaasi gudaha Somaliland ka fuliyey hawl galo aan ujeedadooda si dhab ah loo ogayn kuwaasoo lagu waxyeelanayo shacabka reer Somaliland hawlgaladan oo laga fuliyo magaalooyinka iyo tuulooyinka ku teedsan xuduudka labada dal u dhaxeeya ayaa waxay ahaayeen qaar aan noocooda shacabku hore u arag una soo marin waxaana dhacday in ciidankaasi intuu u soo gudbo dhanka xuduuda Somaliland inuu ka fuliyo hawl galo isku jira dil dhac iyo kufsi taasoo amakaag iyo fajac ku riday shacabka reer Somaliland ee mudada dheer daacada u ahaa shacabka itoobiya waxaa taas ka sii daran inkastoo shacabku qaylo dheer dhigeen oo dareenkooda iyo dhibta loo gaystayba soo bandhigeen hadana waxaad moodaa in itoobiya weli ku sii wado faragelintii iyo hawlgaladii ay ka waday gudaha Somaliland Mida kale ee iyana muujinaysa in xagal daac ku yimi xidhiidhkii labada shacab waxay tahay sida itoobiya dalkeeda ugu soo dhaweysay ee u soo gelbisay koox fidmo wadayaal ah oo doonayey inay degelo nabad ah colaad ka abuuraan kooxdan fidmawadayaasha ah oo uu gadhwadeen u ahaa cali kaliif galaydh kaasoo xiligii uu ra,iisal wasaaraha c/qaasim ahaa si toos ah uga hor yimi xukuumada itoobiya kuna tilmaamay inta itoobiya lugaha kula jirto arimaha gudaha ee soomaaliya in aan soomaaliyi marnaba heshiinayn ayaa maanta markuu bedelay mabdi,iisii wuxuu itoobiya ka dhigtay salaan uu u soo fuulo burburinta somaliland inkastoo cali khaliif iyo kayrkii toona aanay marnaba wax yeeli Karin jiritaanka Somaliland hadana waxaa ayaan daro ah in itoobiya dalkeeda ku soo soo dhaweyso rag ku suntan cadaawada ay Somaliland u qabaan taasoo ka dhigan somaliland oo dalkeeda ku soo dhaweysay admiral maxamed cumar cismaan iyo ragiisa debeda wareega ah ee dagaalka kula jira xukuumada itoobiya Hadal iyo dhamaan itoobiya waxay ku khasban tahay inay ilaaliso masaaliixda Somaliland sida Somalilandba ugu khasban tahay inay ilaaliso masaaliixda itoobiya hadiise itoobiya ixtiraami waydo heshiiskaas ma jiro wax Somaliland ka maanacaya inay iyana dhinaceeda dib u gurato lana timaado siyaasad la mida tan itoobiya kula shaqeynayso waayo Itoobiya iyadaa ka masaaliix badan inta somaliland ku qabto Jaamac cabdillaahi suleymaan Cigaal215@hotmail.com

[ Reply ]