Hay'adda Islaamiga ah ee East Afirca Welfere Development Association (EWADA) ayaa in ka badan 16 Ceel oo ah ceelasha biyaha laga cabbo ka hirgelisay kana qodday Deegaano Badan oo hoos yimaada Gobolkan Togdher.
Hay'addani EWADA oo ah hayad islaami ah kana shaqaysa samafalka ayaa ceelal biyood ka hirgelisay Deegaamada Oodweyne, Xaaxi, Ceelxume, Gebogabo, Qoryaale, Kirir, Higlo,iyo weliba Deegaanka Dubur.
Ceelashani ay hayaddani ka hirgelisay Deegamadaas ayaa gebi ahaantoodba si toosa u shaqaynaya wakhtigan islamarkasna ay ka cabbaan dadka deegaanadaasi.
Ceelasha ay hayadda EWADA ka hirgelisay ayaa noqonaya kuwo saddexdii bilood ee u danbeeyey hayaddani ku mashquulsanayd sidii ay dadka deegaankasi u heli lahaayeen ceelal biyood oo ay kaga raystaan Biyo laaanta islamarkaasna Dadka ka dhexeeya.
Guddomiyaha Hayaddani EWADA sh. Adam hassan sacid oo ka warbixiyey ceelasha ay qodeen ayaa sheegay in ceelashani ay ka mid yihiin ceelal aadu tiro badan oo sannad kasta ay ka hirgeliyaan Gobolkani Togdher, iyadoo Dhowr Bilood ka hor ay ahayd markii ay hay'addani Riiga weyn ka qoday Gudaha Magaalada Burco.
Hayadda EWADA oo sannad kasta Dadka Masaakiinta ah siisa ZAKADA iyo weliba Fidrida ayaa Gobolkani ka hirgelisay mashaariic badan oo khayri ah, iyadoo hayaddu xidhiidh wada shaqayneed oo fiican la leh hayado islaami ah oo ay ka mid tahay Hayadda Islaamiga ah ee MUSLIM CHARITY.
Ugu danbayntii Mashaariicda ay hayaddani sannadkan ka fulinayso Gobolka ayaan ku koobnayn intan balse waxa barbar socda oo illa iminka u qorshaysan sida uu xaqiijiyey Guddomiyaha hayaddani, Masaajido, Dugsiyo Quraan iyo weliba Baraago laga hirgeliyo Dhammaanba Gobolkani Togdheer.
SL Media
![](\"images/img/somalilandpatriots.com-051520091242424561.jpg\")
Print hay'adda ewada oo ceelal-biyood ka hirgelisay deegaano badan jsl. 
©2006-2008 Somalilandpatriots.com .All Rights Reserved