tacsi tiiraanyo leh: mj. maxamuud cabdi caraale - jikraale.

Marxuumku Wuxu ku dhashay Degmada Ceerigaabo 1950 Malcaamadda wuxu ka galay Degmada C/gaabo. Dugsiga Hoose ka galay Degmada C/gaabo Dugsiga Dhexe wuxu ka galay Dayaxa Dugsiga Sare wuxu ku dhammaystay D/Sheekh 1970 – 1973kii wuxu waxbarasho u tegey Dalka Raashiya. Halkaas oo uu ku soo bartay Engineering-ka Boosaha ah. 1974 wuxu ku soo laabtay dalka. Wuxu ka soo shaqeeyey Boosaha iyo War-Isgaadhsiinta xilligii dawladdii Soomaaliya. Wuxuna kazoo qabtay xilal kala duwan.

1979 wuxu ka mid ahaa 5tii nin ee loo xidhay Siyaasaddii Somaliya. Laguna xidhay Xabsiga Mandheera. Waxana lagu soo daayey cafis-madaxweyne oo kala ahaa:-

1. Mujaahid - Maxamuud Jikraale

2. Mujaahid - Gurey Dawaarre.

3. Mujaahid - Hamashool iyo

4. Mujaahid - Hurre.

Waxay Xabsiga ka soo bexeen 1980.

1982 Wuxu ku biiray Halgankii hubaysnaa ee SNM. Wuxuna ka mid noqday saraakiishii hoggaaminaysey halgankii SNM, ilaa intii dalku ka xoroobayey. Kaddib La soo-noqoshadii madax-bannaanida Somaliland lagu dhawaaqay waxa loo magcaabay Taliyaha Ciidanka Badda G/Sanaag.

Xilligii Maxamed Ibraahim Cigaal waxa loo magcaabay Taliyaha Qaybta Boliiska Gobolka Sanaag. Hay’ado badan oo caalammi ahna wuu ka soo shaqeeyey. Doorashadii ugu horraysey ee golayaasha Degaanka wuxu ku soo baxay Xil-dhibaan golaha degaanka Degmada Ceerigaabo.

Marxuumku ifka wuxu kaga teyey 8 Carruur ah iyo hooyadood.

ALLE HA U NAXARIISTO MUJAAHID MAXAMUUD CABDI CARRAALE (JIKRAALE)

SL Media