  Ururka Daryeelka Distoorka Somaliland (UDDAA) waxa fajaciso iyo lama qaataan ku noqotay go’aanka maanta Guurtidu muddaddii xilkooda ay isagu kordhiyeen saddex sanadood iyo sideed bilood, iyaga oo markaas raba in ay xilka hayaan 17 sanadood! Tani ka sii daran tii kordhintii 2006kii.
URURKA DARYEELKA DISTOORKA (UDDAA) PROMOTION OF THE CONSTITUTION GROUP
WarsaxaafadeedSumad: UDDAA/09/10 Taariikh: 08/09/2010. Isu-kordhintii 2006-kii tan ayaa ka sii daran, lagamana aqbalayo Guurtida Ururka Daryeelka Distoorka Somaliland (UDDAA) waxa fajaciso iyo lama qaataan ku noqotay go’aanka maanta Guurtidu muddaddii xilkooda ay isagu kordhiyeen saddex sanadood iyo sideed bilood, iyaga oo markaas raba in ay xilka hayaan 17 sanadood! Tani kasii daran tii kordhintii 2006kii, waayo xubnuhu wey soo arkeen sumcad xumada tallaabadaa hore keentay, maanaan fileyn in ay maanta dib-u-socdkan keenaan. Tan kale waa maxay sababta ay isu yidhaahdeen doorashadooda ama xulashadooda waxay qaadaneysa muddo ka dheer tan golayaasha degmooyinka iyo ta Wakiillada? Waxa nooga muuqatay go’aanka kordhinta muddadooda in ay weli Guurtidu hadal hayaan in ay had iyo jeer sannad ka dambeeyan Wakiillada, taasina maaha arrin xeer ama distoorka ku taal. Guurtidu miyey illaaween in muddadoodi xilka ee 6da sanno aheyd ay dhamaatay sanadkii 2003kii, Wakiiladii mar ay hawsha wada bilaabeenna ay xilkoodii dhammeysteen 2005kii markii kuwa cusub la soo doortay. Awooddan ay Guurtidu maroorsatay ee kordhinta muddada xilkooda iyo tan Golayaasha Degmeda ma aha mid Distoorka ama xeerarka dalku siiyey, waana mid u taalla Ummadda oo ay aheyd in wadatashi iyo xeer la wada aqbalay lagu xallilo. Waxaanu ku guubaabineynaa ummadda in aan la aqbalin korodhsiimooyinkan qayru distooriga ah oo arrimahan lagu xallilo wada tashi. In kasta oo Golaha Guurtidu awood u leeyehiin in ay kordhiyaan muddada xilka Golaha Wakiilada, arrintaasi waxay ku xidhantahay marka doorashada Golaha Wakiiladu ku qabsoomi weydo duruufo adag awgeed oo “dagaal baahsan, xasillooni darro gudaha ah, aafo dabiici ah oo culus sida dhul gariir, cudurrada faafa, abaaro culus”. Weyno ognahay in doorashadu aan u qabsoomeyn duruufo la xidhiidha dhaqaalaha, doorashada aynu dhowaan qabanay iyo qabyada xeerarka iwm.
Haddaba waxa habooneyd in aanay Guurtidu ku degdegin go’aankan oo ay u daayaan in laga wada tashado oo la hubiyo sida ugu dhakhso badan ee loo qaban karo doorashada oo aan la caymin laba sannadood iyo siddeed bilood. Maaha markii u horeysay ee Somaliland hore ayay u soo aragtay muddo korodhsiimo noocan oo kale oo dalka ku abuura khalkhal iyo khilaaf siyaasi ah oo soo dhexgala golaayshasha, komishanka iyo xisbiyada Qaranka, kaasi oo inta badan ragaadiya wada shaqayntooda. Waxaana nasiib darro ah in xukuumadan cusub oo loo hanweynyahay ay la xidhiidhay Guurtida iyada oo aan weli laysla meel dhigin arrimahan xasaasaasiga ah, taas oo dhiirigalisay Go’aanadan sharci darrada ah ee Guurtidu ku degdegtay. Annaga oo ogsoon in loo baahan yahay in la xallilo arrimahan muddo dhammaadka golayaasha, waxaanu qabnaa in ay fiicneyed in laga wada tashado oo xeerar lagu soo saaro korodhsiimada muddada golayaasha degmooyinka iyo tan Guurtida. Taasina weli way furan tahay oo waa in hadda lagu dhaqaaqa, Guurtidana lagu adkeeyaa in ay si deg-deg ah uga noqdaan go’aandan muddo kordhinta muddada xilka ee saddexda gole. ----------------------------------------------------- UDDAA – URURKA DARYEELKA DISTOORKA
URURKA DARYEELKA DISTOORKA (UDDAA) - Promotion of the Constitution Group – waa koox-cadaadis (pressure group) ka madaxbanaan xisbiyada siyaasada, oo ay xubno ka yihiin Somalilanderka qurbaha deggan oo aaminsan in loo baahanyahay in hor loo mariyo oo la kobciyo Distoorka Somaliland. Diimoqraadiyadda, ku dhaqanka xeerarka, kala xadeynta awoodaha waaxyada dawladda, iyo xuqquuqda iyo xorriyadaha aasaasiga ah waa tiirarka Distoorka. Ujeedooyinka UDDA waxa weeye sharaxaada baahida loo qabo in laga hor tago fasiraada khaladka ah iyo kuxadgudubka Distoorka, iyo in loo olaleeyo garsoor madaxbanaan oo si karti leh u uga soo baxa hawshiisa sida gaarka ah Distoorku u cayimay. |
![](\"images/img/somalilandpatriots.com-051520091242424561.jpg\")
Print warsaxaafadeed: sumad: uddaa/09/10: taariikh: 08/09/2010 
©2006-2008 Somalilandpatriots.com .All Rights Reserved