xafladii dhaarinta iyo xil wareejinta m/weynaha cusub iyo ku xigeenkiisa oo soo

Name : Factuality Subject : Re : xafladii dhaarinta iyo xil wareejinta m/weynaha cusub iyo ku xigeenkiisa oo soo Date : 2010-07-28

Kursigii heshaye, Haakaalah! Published: 27 July 2010 Kn: Yaa yiri kursiga madaxnimo waa lagu nastaa?, laakiin waxaysan su’aal ka taagneyn in lagu xiiqo ku fariisigiisa, weeydiinta ugu muhiimsan ayaa ah “halgan dheer ka dib oo daal iyo gabow uu kula kulmey, Axmed Siilaanyo Haakaalah ma dhihi doonaa?”. Maanta ayaa guriga madaxytooyada Somaliland ee Hargeysa si rasmi ah uu xilka kula wareegey madaxweynaha cusub ee maamulkaasi gooni isu taaga ah, Axmed Maxamed Maxamuud Siilaanyo waxaa lagu dhaariyey kutubka Qur’aanka ah iyo in diinta Islaamka uu ku dhaqayo Somaliland. Ragii ay xilka kala wareegeen isaga iyo ku xigeenkiisa Seeylici ee kala ahaa Daahir Riyaale Kaahin iyo Axmed Yuusuf Yaasiin afkooda amaan iyo bogaadin iyo dardaaran ayaa ka baxayay xiligii ay socotey xaflada. Wufuuda aduunka uga timid in ay goobjoog ka noqdaan xafladani waxay ka kala yimaadeen 3 dal oo kala ahaa Kenya, Djabouti iyo Ethiopia, gudoomiye ku xigeenka baarlamaanka Kenya Faarax Macalin Dawaaraa ayaa waftiga Kenya hogaaminayay. Madaxweynaha cusub oo xaflada ka hadlay wuxuu balan qaaday in uu dadkiisa iyo dalkiisa si daacad ah ugu adeegayo, wuxuu u mahadceliyay dhamaan wadamadii ka qeybqaatey. Walloow dhoolo cadayn iyo dhabar iska taabasho ay xafladii ku wada joogeen madaxdii hore iyo kuwa cusub, hadane bilaha soo socda ma noqon doonaan kuwa saaxiibo ah marka gudiga la xisaabtanka hantida qaranka ee uu Siilaanyo saarey ay shaqadooda gudagalaan iyo marka xisbiga Udub uu si rasmi ah u fariisto kuraasta mucaaradka isagoo u fiirsanaya gef kasta oo ka dhaca xukuumada Siilaanyo. Tan iyo wixii ka dambeeyey 26dii Juun oo ay doorashada dhacday, waxaa jirrey wax lagu tilmaami karro boob iyo ku tagrifal hantida qaran ee gacanta ugu jirtey saraakiisha xukuumada dhacday. Jihawareerka ugu weyn waxa uu Siilaanyo kasoo waajihi doonaa marka nin qof kasta oo isaga u codeeyey uu doono in uu badalo qof kasta oo horey uga shaqaynayay xafiis dowladeed sidii iyagoo ahaa shaqaalo xisbiga UDUB. Caaadi ahaan marka laga soo tago xilalka siyaasadeed iyo kuwa amaanka ee sarsare, qof kasta oo dowlada xil u haya ma ahan mid ay wax ka quseyso isbadalka awoodeed ee dalka ka dhacay sababtoo ah ma ahayn nin xisbi u shaqaynayay ee dowlad ayuu u shaqaynayay. Mashaakilaadka Siilaanyo horyaala waxaa ka mid ah xal u helista shaqaaqada Sool iyo Sanaag, laakiin si kasta oo uu isugu dayo in uu xal u helo waxaa caqabad ku noqon doona aragtida xidideysatay ee SSC iyo hogaanka dhaqanka dadka Sool iyo Sanaag ee ah Soomaaliweyn. Guusha ugu weyn ee dadka Somaliland ka filan karaan in uu Siilaanyo soo hoyiyo ayaa ah in uu Somaliland u keeno aqoonsi caalami ah, xitaa haddii tabon jeer oo kale xilka isu soo taago waa qodob ay codkooda ku siin doonaan hadii uu ka miro dhaliyo. Laakiin waa iska meeshaasi halka loo taaganyahay Siilaanyo iyo Somaliland, aqoonsi, kalmad Afsoomaali xariir ah balse uu micnaha ka suulayo marka laga doono meel aysan kaa jirin, haddii uu taasi fahmo Siilaanyo waxay noqoneysaa arrin guusheeda la gaaro. Aqoonsiga Somaliland waa horta in ay iyada is aqoonsato, jinsada ay yihiin, deegaanka ay ku yaalaan, diinta ay heystaan, daris iyo ehal waxa ay leeyihiin, haddii laakiin aqoonsiga la raadinayo uu noqdo mid ku abtirsada taariikh gumeysi oo marin haboow ahayd. Aqoonsiga Somaliland wuxuu ku jiraa Soomaali inteeda kale oo haatan abaal ku qabta in Somaliland ay hor kacdo. Somaliland waxay heeysataa fursad dahabi ah, sida uu qabo Prof. Cabdi Ismaaciil Samatar oo dhawaan u waramay barnaamijka Riz Khan ee AlJazeera English, Somaliland waxay haatan fursad u heeysataa in Hargeysana laga dhigo caasimada dalka, Axmed Siilaanyana uu noqdo madaxweynaha Somaliland sidaasina uu ku iman karo xalka Soomaaliya. Xanta jirta ayaa ah in Siilaanyo uu u dabacsanyahay fikrada ah Soomaaliya, laakiin sidaasi oo ay tahay ma doonayo in uu ka xanaajiyo kuwa halka adag ee SNM usoo dagaalamay, iyo waliba jiilka cusub ee lagu aanqariyey nacaybka koonfurta Si kasta oo ay ahaataba haddii uu Siilaanyo kursiga ka doonayay nasiibo waa u ku fadhiyaa caawo, in uu haakaalah yiraahdo waxay ku xirantahay in uu kabaha siinto haddiiba uu kanshadaasi u helo, haddiise uu kursiga ka doonayay isbadal wanaagsan keeno, ma jirto fursad ka haboon oo waligiis soo mari lahayd, sidoo kale markanina waa uu kabaha siibtaa si uu orod iyo rucle ugu gaaro danta guud, kolkaasi isaga iyo daal isma hurrana KismaayoNews.com

[ Reply ]